У светлую Велікодную сядміцу прынята рабіць дабро – каб падзяліцца радасцю Уваскрэсення Хрыстова з тымі, каму сёння горш за вас – не так сытна, весела, утульна ў цесным сямейным коле.
У першы дзень пасля праваслаўнага Вялікадня настаяцель астравецкай царквы Святых апосталаў Пятра і Паўла протаіерэй Георгій Савіцкі, старшыня раённай арганізацыі “Беларуски саюз жанчын” Наталля Баніцэвіч, намеснік дырэктара Цэнтра творчасці дзяцей і моладзі, кіраўнік маладзёжнага крыла раённай жаночай арганізацыі Святлана Шатроўская наведалi з падарункамi і добрымi словамi Міхалішкаўскую ўчастковую бальніцу, дзе на сацыяльных ложках утрымліваецца больш за 50 адзінокіх пажылых людзей.