29 сакавіка раённы цэнтр культуры і народнай творчасці гасцінна адкрыў свае дзверы для тых, хто ўмее цаніць і берагчы цяпло сямейных традыцый, – удзельнікаў раённага этапу рэспубліканскага конкурсу “Сям’я года-2022”, іх сяброў, калегаў, гасцей.
Вынікі сямейнага свята падвяла дырэктар Цэнтра сацыяльнага абслугоўвання насельніцтва Дзятлаўскага раёна Таццяна Нікіпорчык. Яна падзякавала сем’ям-удзельніцам за цудоўныя выступленні, захаванне лепшых нацыянальных традыцый і выхаванне дзетак. Установам адукацыі і культуры – за падрыхтоўку канкурсантаў. За падарункі для сем’яў – спонсарам свята, а гэта раённыя арганізацыі грамадскіх аб’яднанняў “Белая Русь”, “БРСМ”, Таварыства Чырвонага Крыжа, “Беларускі саюз жанчын”, прыватны прадпрымальнік Аляксандр Шчыкарэвіч, філіял “Баравічок” санаторыя “Радон”.